Gurindam Jiwa Luka

Terkenang masa yang lalu,
Hatiku menjadi sayu,
Maso tu baru naik darjoh satu,
Maka bermulalah dunia baru.

Semangat tu gak nok gi sekoloh turun jak pagi,
Kadey2 x dey ceroh tanoh, lopat turun hungar gi,
Ado jugok hok pesen keno pakso suruh gi,
Tu gak mari koloh pun nya x gosok gigi,
Apo tah lagi kato ko nok mandi.

Baju putih, seluar pendek atas poho.
Sepasey uniform tu jah hok ado x dok lok' lo,
Betis khapu kelaring sorey2 sapa ko atas poho,
Sekali tengok serupo anok orey x pero,
X kato kokrey, kito sendiri pun serupo tulo,
Mugo buleh kato gitu jah belako,
Turun habis sungai, baruh segalo payo.
Pah betis, poho x sir jadi karat lagu mano.

Ramai budok paka kasut Marco, kasut getoh jah zamey dulu.
Nok wat rano, cumo itu jah hok termampu.
Tu pun kiro bersyukur pado Allah yang satu.
Kadey2 jaley kaki ko sekoloh sapa batu-batu.
Jarey2 sekoloh jah hok ado zamey ritu.
Kadey sapa soyok kasut napok kaki habis segalo kuku,
X cukup tahun jangey harap ko nok buleh beli baru,
Seksanya dulu nok buleh ko sebutir ilmu.

Di sekoloh macey2 pesen budok buleh jupo,
Hok pesen buas, hok pesen jenis x dengar kato,
Nya duduk conggek khusi, duduk nopat atas mejo,
Tu x termasuk lagi hok pesen x buat khijo,
Keno jupo cikgu hok pesen bekeng serupo singo,
Hari2 buleh makey napar siro,
Balik rumoh x berani buko mulut, x kato apo.
Tebeng report nyudoh2 gak buleh makey manggar nyor,
Tu lah mok Pok dulu nga loni memey jauh berbezo.

Belanjo sekoloh hari2 pitih 20 sen jah tangey,
Kadey2 banyok jupo lapar, pado hari kenye,
X saloh ko orey tuo, mugo kito bukey nyo orey seney,
Walaupun susoh, x dok sapa lagi ko nok berhutey,
Ataupun gi di kantin gi curi makaney,
Paling neley pun, gi togok air paip daley jambey.

Dulu duk pakat berambat tino jatey,
Nya pakat baloh, nya badi perey,
Kadey2 3 orey budok tino nya hambat jatey sorey,
Nya pakat kherjo, nya pakat terkey,
Nya pegey seluar nasib baik x sapa telanjey,
Klu tebeng loni, x pasal2 masuk Harian Metro muko depey.

Jauhnya mengelamun, tersedar ku seketiko,
Rupanya sudah jauh kenangan meninggalkan kito,
Pah mano habis lah saing belako lako.
Belek buko FB kot2 saloh jupo.

Memori indah dulu telah lama pergi,
Sedar x sedar nak abih tahun 2020 doh kini,
Alangkah sedapnya kalu masa buleh diputarkan kembali,
Tapi kito keno terimo hakikat maso dulu x kan lagi kembali.

Dalam tengoh duk mengelamun sendiri,
Rupanya ramai doh cikgu, saing hok telah pergi,
Al Fatihah dariku buat mereka yang telah kembali,
Semoga rahmat ke atas roh mereka dicucuri,
Doa dari ku Abe Kie...

* Gambar sekadar hiasan, x dok keno mengena yang hidup ataupun yang sudah meninggal dunia.