Kenangan merebus air guna dapur kayu
Ado lagi ko sini jerey air guno dapur kayu? Kalu nok masok guno dapur kayu mungkin x berapo nok ado doh, kalu jerey air guno dapur kayu mungkin sesetengah rumoh tu ado amal lagi. Dari segi raso, air hok rebus guno gas ko letrik ko dengan air rebus dengan kayu api jauh bezo. Hok mano so sedap tu atas tekok masing-masing. Tapi hok sebetulnya rebus air guno dapur kayu ni, raso dio manis. Tapi sedap x sedap pun, x keno edar behey air asap api.
Dulu2 lagu ni lah kebanyakan rumoh orey kampung.
Nanok, nyayur, nyingey, gular, bakar semuo paka guno dapur kayu. Di dinding nga atap wat neduh dapur kayu x soh cerito lah, hitey legey lekat asap api. Atas dapur kayu tu sekalo orey tuo gantung jagung buleh 2, 3 jantung cedey wat benih. Kadey2 kucing naik berok pah atas dapur. Bowoh dapur tu ado serbo moniko nga kayu api, nga korey nyor, nga kisarey beras.
Rutin harian gak letok jah beg sekoloh, hungar masuk rok, daley kebun getoh, cari kayu2 api. Hok mano rumoh dekat nga sawmill, masuk sawmill kutip cari kayu selinak, kurey2 buleh guno wat kayu api x pun guno wat salin gelegar jarey atas rumoh hok pohu tey ko air.
Berkas kayu api , junjung atas palo, jaley ramai2 wat balik rumoh. Jadi ko ralik pulok dey ramai2 masuk cari kayu api lagu ni. Tu lah antara sebab budok2 ni lasok. Sorey pun sorey masuk kutip cari kayu api. Kadey2 sapa rumoh keno kerat beloh pulok kayu api, cedey bubuh bowoh rumoh. Bersusun kayu api bowoh rumoh. Walaupun penuh doh kayu api bowoh rumoh, selagi tu tetap keno cari, pasal orey2 tuo tengok alah ke depey, kalu nya wat saloh ko hujey ko musim boh ko apo, x lah x berasap dapur tu.
Nok buleh ko rebus air ko masok, api nok keno peringak dulu. Tu habis bendo kutip tepi jaley, cedey wat peringak nga selundey nyor lah, habuk gaji lah, segerek getoh orey tu gak nya tarik sapa cabut sudu getoh orey. Dapur kayu ni klu dey nya wat berona, x cekak peringak x sir nok nyalo. Nok2 pulok klu keno kayu api basoh tey ko hujey.
Keno hujey2 baso nikmat guno dapur kayu ni. Hujey berok2 kok atas zink. Syahdu. Beley2 rebus pisey, rebus air. Baju2 hok basoh nok jemur payoh kering, paka perasap kok atas dapur. Baju bau asap pengar2.
Dulu2 bangun pagi sejuk x leh nok cerito. Sejuk dulu x serupo sejuk loni. Dulu pohon2 keliling kelaley, bukit-bukit pun demo x sodok apo lagi. Klu keno time sekoloh gak, liat lah nok buleh ko mandi, doh lah telago luar pado rumoh. Setengoh tu pulok sebutir telago kongsi nga 4 butir rumoh. Duk kekoh berebut pulok ko timbo sebutir di telago. Jadi nok bui kurey raso sejuk sikit gak, duk diey dulu depey dapur, beley2 jerey air panas atas dapur. Baru turun ko telago.
14 Comments
sedak baco kisah abe kie..nostalgia zaman dulu dih..zaman budak mulo xbrehi air rebus dapur kayu sero pelik,tapi loni hok tu la duk cari2 dah mula raso sedak raso rindu dengan rasa pelik tu
ReplyDeletekna wat dapur suku..takutnyo hite zink ngan dinding..haha
ReplyDeleteSebab tu agaknya org dulu2 badan dieorg kuat dan jarang sakit kan, mandi air telaga sejuk sampai ke sumsum tulang tiap2 hari. Eh, terkomen lain pulak, padahal topiknya merebus air guna dapur kayu 🤭
ReplyDeletexdo dah skrg he hee dulu2 masa arwah tok2 ada iya guna dapur kayu walau ada je dapur gas tu
ReplyDeletekalo kt ceratin kampung maybe masih ada rebus air guna dapur kayu
ReplyDeletewaktu kenduri je pernah masak air guna kayu api mcm ni... time dulu2 la, tapi sekarang ni...semua guna air coway je kan
ReplyDeleteZaman kita juga ni... dulu-dulu rebus air guna dapur kayu :)
ReplyDeletenostalgia lalu indah dalam kenangan
ReplyDeleteHah! Sekali speaking kelantan!
ReplyDeletejadi kangen jaman dulu yang asri dan tenang :')
ReplyDeleteSaya pernah rasa air yg dimasak pakai kompor kayu ni. Memang lain lah. Ada rasanya, sedikit manis tapi juga smokey 🤭. Jujur saya tak biasa. Dan sempat tak nak minum, maklum lah dulu anak kecil lagi 🤣. Pas diajak ke rumah nenek. Tapi lama2 jadi biasa.
ReplyDeleteApalagi kalo airnya dituang ke atas kendi tanah liat , dan dibiarkan di tempat sejuk. Airnya pun ikut sejuk dan semakin enak 👍
Masa kecil ada pengalaman tengok Uwan masak pada dapur guna kayu. Hehe saya tidak.pernah masak guna kayu ali.
ReplyDeletegigih ammi baca kuat sebab bila baca dale hati mace dok faham. hahahah...bila baca kuat baru ok faham.
ReplyDeleteammi sampai ke tingkatan 2-3 masih guna kayu api walaupun masa tu dah ada dapo gas. Arwah mama nak jimat gas jadi nak masak air minum yang berperiuk2 tu mmg guna dapur kayu je.
Kita masih lagi tapi pi camping la hahahaa..
ReplyDeleteThanks for leaving your comment. Please come again. I will visit your blog soon.