Assalamualaikum. Gurindam Jiwa Luka yang ditulis di dalam loghat Kelantan ini mengisahkan seorang insan yang mengimbau kenangan zaman dahulu dimana kehidupan dalam serba kekurangan tanpa teknologi dan kemudahan namun tetap gembira dan bahagia. Berbanding dengan zaman sekarang dimana generasi muda asyik melayan gajet tanpa mempedulikan orang tua di sekeliling mereka. Hayatilah gurindam ini. Semoga ianya memberikan kesan nostalgia kepada kita semua. Kalau tak faham maksud bait2 di bawah, boleh tanya Abam Kie. Orait?

Indahnya masa lalu,
Tanpa wassap tanpa muko buku,
X payoh mikir internet slow ataupun laju,
X dok raso serabut, x dok raso saru,
X sero puas, x sero jemu.

Orey kampung pulok pakat2 bersatu.
Kalu susoh, pakat2 bantu.
Hubungan memey erat sungguh zamey ritu ,
Serupo adik beradik walaupun pangkat 3 pupu.

Orey tuo duk titih keturunan siey maley,
Bowok anok kenal worih, beley2 gi jaley,
Kalu saloh jupo tengoh tepi jaley,
X dok lah caro nok baloh ko nok perey,
Mano tahu takut-takut sapey,
Kurey2 ado jugok tempat buleh menumpey,
Buleh sehari semaley.

Celik jah butir mato bangun pagi,
Turun rumoh, hungar gi,
X caro doh ko makey nasi,
X soh kato lah ko nok mandi,
Pasal saing2 ni duduk nati.
Kadey2 kito sendiri pun x sir gi.
Tapi saing ni mari turut mari cari,
Tengoh tidur pun gerok lagi.
Mugo x sir wi saing sero hati,
Gi jugok lah walau sebeloh kaki.

Dulu2 saing tino jatey,
Orey tuo pun x rajin larey,
Kadey2 mandi pun telanjey,
Tapi x dok raso pun nok pegey,
Badi2 bereney, badi2 nyeley,
Tapi x rajin jadi bendo sumbey,
Bezo sungguh nga budok sekarey,
Jangey lok, jangey lah tebey.

Bilo maley hanyo bertemankan pelito.
X dok air cond, kipas apo.
Sejuk x soh lah duk kato,
Pukul 10 limut likuk, x kabar apo .
Mugo maso tu udara memey berbezo.
Kadey2 royak budok loni, demo x cayo .
Kato kito sajo reko cerito.
Nok wat guano, biarlah ko dio.
Demo2 ni x dey nok raso.
Beley2 nulis baco bowoh pelito.
Ramai jugok hok telah berjayo,
Tahniah dari ambo untuk semuo.

Budok2 dulu nga loni jauh bezo.
Demo x main doh serupo kito mulo.
Main talipon, x kiro maso.
X caro pagi petey maley buto.
Dengan orey tuo pun wat  x caro,
Mugo saing samo2 dio.
Kecek nga kito pun x tengok doh butir mato.
X kato anok orey, anok sapo.
Tapi tidoklah melibatkan semuo.

Kadey2 terlintas jugok daley hati,
Indahnya hidup dulu banding loni.
Kalulah maso buleh diputar kembali .
Walaupun jerit, walau tangisi,
Kito keno jugok akui.
Maso dulu x akan kembali lagi.

Beley2 duk nengung sorey diri,
Lamunan ku tibo2 berhenti,
Pah mano lah saing dulu gi,
Puas jejok, puas cari,
Tapi raso sedih jugok daley hati,
Kabar x kabar, air mato ngalir di pipi.
Ruponyo ramai doh saing dijemput Ilahi.
Al Fatihah dariku untuk sahabat yg telah pergi .
Semoga roh mereka dicucuri dan dirahmati.

Kredit: Gary Farez(AOK)